وما ادراك ما الــــــــمــــــــرأة؟؟؟

لو طلبنا من الكومبيوتر يعطينا ترتيب البشر ابتدينا من الذكر فبقلي طفل .....شب.....رجل......مسن اما عند الأنثى فبقلك طفلة....فتاة....بجوز يقلك امرأة بس اذا فكرت تكمل السيرج رح يقلك (ERORR) لأنو المرأة بتوصل للأربعين وبوقف عداد عمرها هي طبيعة مجتمعنا بس يا ترى انت شو رائيك؟؟؟؟ وجهة نظر بتقلك (ناقصات عقل ودين) وواحد بقلك (ضلع ئاصر شو بدنا نعمل) وواحد بقلك (عمي المره لبيتا وجوزا ومطبخا ال مره تشتغل ال ييييي اشو خبر) لأصحاب وجهات النظر هي بقلكن باب الحارة خلص تعو نحكي شوي ما هي المرأة وما أدراك ما المرأة؟؟
الـــــمـــــرأة نصف المجتمع وهي التي تلد النصف الآخر إذا هي المجتمع كله........الــــــمــــــرأة التي تهز السرير بيمينها تهز العالم بيسارها
الأنثى كائن طبيعي بتفرح بكلمة حلوة من كل قلبها وبتحسا حنونة يارجل يالي بتعتبر حالك بتفوق علبها بالعقل فا اعرف انك كمان انت ناقص عاطفة انا فيني اكمل نقص بعقل من أمامي ولكن ما فيني ازيد عاطفتو الأنثى كائن حنون وطيب ....هادا كان تعريف موجز عن المراة ونقطة ببحرها
إذا البنت حبت شخص شو تعمل؟؟؟؟ تقلو اذا متأكده انو مو من الجاهلين الي ممكن يعتبره تنازل منا ويعتبرا من جماعة الي بيقلي بيقول لغيري.
إذا انا حبيت بنت كيف لازم اعمل؟؟؟؟ بلغي مصطلح (انا) وبحط مصطلح (نحنا) (بدنا....نعمل......نروح.....لأزمنااا ....الخ) مو مهم الي بيرضيني او بيرضيا المهم الي بيرضينا مني شوي ومنا شوي مرة انا بكسر ومرة هي منرتاح
المتزوج شو يعمل؟؟؟؟؟ متلو متل الحبيب نفس الشي زوجتي يعني شريكة حياتي مو كلمة بالتم لا فعل لما بدها تشتغل خليا تشتغل من ناحيتي إذا كان العمل عند هو رغبة بالمال فبعطيا اد راتبا ومرة كل شهر لو حبت بس اذا كانت رغبتا بالعمل هو لإثبات شخصا فهادا حقا الطبيعي متل ما هو حقي الي كمان .........إذا جيت بالليل كيف بدق الباب بدقو بطريقة تنبه الفايق وما تفيق النايم طيب دخلت وشفتا نايمة خلص ما خربت الدنيا تعبان ما بتقدر ترجع الأكل لمكانو بلا تاكل لا بتقدر كول لحالك واحد من الناس بيعمل متل ما بدنا نقلو بس بيفوت ع غرفة النوم وبيضل بيفتح الرفوف والسحابات وسبحان الله بتكبس عليه السعله فجأءة المرأة بتفيق بكل دروشه مصطنعه بيقله (كني فئتي؟!!!) يا غالي مو بس هي فاقت البناية كلها فاقت .....طيب لو رجعت بالليل وحسيتا عبخلق مشكلة وصارت تصرخ لأسباب أختلاقية مالها معنى شو بعمل؟؟؟ ممممم بمتص غضبا وبستوعبو لأنو حقا متل ما انا طاقق من الشغل ومن اللعي مع البشر بالشغل طول اليوم كمان هي طاقه من شغل البيت ومن الئعده بين أربع حيطان ......ابل ما تنام بالليل تسطح بالسرير جنبا وطلع بعيونها احكيلها شو صار معك بهاد اليوم ومسكلها ايدها حسسا بالأمان وبحنانك حسسها انو في وراها سند ينسند عليه وجدد كل يوم العهد معا وقلها بحبك بحبك بحبك.........بتمنى ما كون وجعتلكن راسكن بكلامي وبعتزر من الأنثى الي ما قدرت اعطيا جزء من أجزاء من حقها (ع فكرة كمان الرجل حباب وفيو البركة )

ههههههههههههههههههههههههههه

يعطيك ألف عافية أخي محمد على هذا الموضوع الحلو كتير

جد المرأة عنا في المجتمع مختصب حقها

يجب يكون هناك ناس تحس بهل كأن اللطيف

تحياتي مدير المنتدى

أخي محمد عمال نستنا موضوع على الرجال

يعني مو بس المرأة بينكتبلها

كمان الرجال بينكتبلون

اسف ع هل الكلمة بس انت رومنسي زيادة شوي ؟؟؟؟؟ نحن بمجتمع عربي مو اور
بي